Yarımmüdafiəçi Tomas Müller “Bavariya”da keçirdiyi rəsmi oyunların sayına görə rekordçu olub.Missiya.Az xəbər verir ki. bu barədə “Opta” statistika xidməti məlumat yayıb.Bazar günü 34 yaşlı futbolçu Bundesliqanın ikinci turunun “Frayburq”la oyununun (2:0) 78-ci dəqiqəsində qol vurub. Müller 1962-1980-ci illərdə Münhen klubunda çıxış edən Zepp Mayeri qabaqlayıb. O, “Bavariya”nın heyətində 710-cu oyununu keçirib. 2008-ci ildən Münhen komandasında çıxış edir, 12 dəfə Almaniya çempionu, altı dəfə Almaniya Kubokunun, iki dəfə Çempionlar Liqasının qalibi olub. Almaniya millisinin tərkibində 2014-cü ildə baş tutan dünya çempionatında qızıl medal qazanıb.
Zərintac MayisqızıMissiya.Az
