Əliyar Ağayev Kosova-Rumıniya oyununu idarə edəcək

FIFA referisi Əliyar Ağayev növbəti təyinat alıb. 

Bizim.Media AFFA-ya istinadən xəbər verir ki, Ağayev UEFA Millətlər Liqasının qrup mərhələsinin I turu çərçivəsində keçiriləcək Kosovo – Rumıniya qarşılaşmasının baş hakimi olacaq.

Ona Zeynal Zeynalov və Akif Əmirəli kömək edəcəklər. Dördüncü hakim funksiyasını İnqilab Məmmədov yerinə yetirəcək.

Sentyabrın 6-da Priştina şəhərində yerləşən “Stadiumi Fadil Vokrri”də keçiriləcək görüş Bakı vaxtı ilə saat 22:45-də başlayacaq.

Rəşad Rafiqoğlu, Bizim.Media