Portuqaliya Prezidenti Marselo Rebelo de Sousa siyasi baxımdan Avropada və dünyada bir dövrün bitmək üzrə olduğunu və dərin böhranla üzləşməli olacağını iddia edib.
Rebelo de Sousa Aveiro şəhərində keçirilən Milli Gənclər Yığıncağının bağlanışında etdiyi çıxışda gəncləri Avropa siyasi sistemlərinin yaşadığı dərin böhranla bağlı xəbərdar edib.
Portuqaliya Prezidenti, “ABŞ seçkilərindən sonra kimin qalib gəldiyindən asılı olmayaraq, fərqli bir dünya olacaq. Rusiyada və ya Cənubi Afrikada, Braziliyada, Türkiyədə yüksələn güclərin mövqeləri eyni olmayacaq. Hindistan da eyni olmayacaq. Biz yeni tarixi dövrün başlanğıcındayıq”, – deyib.
“Dünyada bir dönüş nöqtəsindəyik. Nə olacağını bilmirik. Bir il yarımdır ki, epidemiyanı idarə etməkdə və iqtisadi cəhətdən sağalmaqda çətinlik çəkən dünya Çindəki dəyişikliklərdən təsirlənir. Dünya yenə əvvəlki kimi olmayacaq”, – deyib.
Hər kəsin qeyri-müəyyənlik və gözlənilməzlik dövründə transformasiya və müharibələrin artdığını hiss etdiyini qeyd edən Portuqaliya Prezidenti, “Avropada, Afrikada, Yaxın Şərqdə və dünyanın hər yerində sülh üçün mübarizə aparmağa ehtiyac daha böyükdür”.
Rebelo de Sousa “Avropa siyasətində dərin böhranın açdığı boşluqların bəzilərinin populist yanaşmalar kimi qiymətləndirdiyi yeni hərəkatlara yol açıb. İndiyə qədər sistem İkinci Dünya Müharibəsindən sonrakı dövr üçün, Avropanın keçid dövrü üçün, 20-21-ci əsrlər üçün nəzərdə tutulmuşdu. Lakin rəqəmsallaşmaya, enerji dəyişikliyinə, elmi və texnoloji inkişafa, mobilliyə, gənclərin tələblərinə və yaşlanmaya uyğunlaşa bilmədik”.
“Avropa geridə qalıb. Avropanın zəngin olması müsbət amil olsa da, gənclərin üzləşdiyi problemləri pul həll etməyəcək. Avropa hələ də iqlim dəyişikliyi, miqrasiya və qaçqın axını ilə mübarizəyə rəhbərlik edir, lakin hər şeyə baxmayaraq, bunlarda da sürətini itirib. Avropadakı siyasi böhranı həll etmək üçün fasilələr baş verməlidir”, – Portuqaliya prezidenti deyib.
