Britaniya kraliçası Kamilla xərçəng xəstəliyindən əziyyət çəkən əri, kral III Çarlzın səhhətinin "əla" olduğunu bildirib.
Qaynarinfo bu barədə "The Times"a istinadən xəbər verir.
O, bu sözləri ölkənin cənub-qərbindəki Bath şəhərində xərçəng mərkəzinin açılışı zamanı jurnalistlərə deyib.
Bundan əvvəl məlum olub ki, III Çarlz kraliça Kamillanın istəklərinə zidd olaraq ictimaiyyətə xərçəng xəstəliyindən danışıb.
5 fevral 2024-cü ildə Bukingem sarayı Britaniya kralına xərçəng diaqnozu qoyulduğunu elan edib. Çarlz III dərhal müalicəyə başlayıb, bu müddət ərzində həkimlər ona ictimai tədbirlərdə iştirakdan imtina etməyi tövsiyə edib.
Kral mütəxəssisi Tom Quinn bu yaxınlarda bildirib ki, Çarlz III Amerikaya uçaraq şahzadə Harri və xanımı Meqan Marklı, həmçinin onların oğlu Arçi və qızı Lilibeti ziyarət etmək istəyir. "New Idea" mənbəsi daha sonra bildirib ki, Britaniya kralı ailəsi ilə belə bir səfər təşkil etməyi müzakirə edib, lakin şahzadə Uilyam və kraliça Kamilla monarxın səhhətinin mümkün pisləşməsi ilə bağlı narahatlıqlarına görə bu ideyanı bəyənmirlər.
Aydın
