Çin hökuməti beynəlxalq övladlığa götürmə proqramını bitirdiyini və artıq xarici ölkələrdən gələn müraciətləri qəbul etməyəcəyini açıqlayıb. SİA xarici mətbuata istinadən xəbər verir ki, ABŞ Dövlət Departamenti övladlığa götürmənin təsiri ilə bağlı Çindən açıqlama gözlədiyini bildirib. Pekin administrasiyasının bu qərarı ölkədə doğum göstəricilərinin azalmasından sonra verilib.
Çin hökuməti beynəlxalq övladlığa götürmə proqramını başa vurub. Çin Xarici İşlər Nazirliyinin sözçüsü Mao Ning cümə axşamı bildirib ki, ölkə artıq xarici ölkələrdən övladlığa götürmə ərizələrini qəbul etməyəcək. Xarici İşlər Nazirliyinin sözçüsü bildirib ki, yeganə istisna qan qohumlarının və ya ögey uşaqların övladlığa götürülməsidir.
Çinin bu qərarı ABŞ-da yüzlərlə ailənin övladlığa götürülmə prosesinə necə təsir edəcəyi ilə bağlı narahatlıq yaradıb.
