Fransa Peşəkar Futbol Liqasının (LFP) Hüquq Komitəsi PSJ-nin sabiq hücumçusu Kilian Mbappeyə maaşının ödənilməmiş hissəsini ödəməli olduğuna dair qərar çıxarıb. Matc.az xəbər verir ki, bu barədə “Le Parisien” nəşri məlumat yayıb. Bildirilib ki, Paris təmsilçisi yayda “Real”a keçən forvarda 55 milyon avro ödəyəcək. Fransızlar bu pulu 8 il ərzində verməlidi. Qeyd edək ki, Mbappe PSJ-dən ona bu ilin aprel, may və iyun ayları üçün maaş və bonusları ödəməyi tələb etmişdi. Futbolçu PSJ ilə müqaviləsi bitdiyi üçün yayda azad agent kimi “Real”a keçib.
