“Real”ın baş məşqçisi Karlo Ançelotti şəxsi rekordunu yeniləyib. Matc.az xəbər verir ki, bu, La Liqanın V turunda “Real Sosyedad”la səfərdə oyunda gerçəkləşib. “Kral klubu”nun 2:0 hesabı ilə qalib gəldiyi matçda italiyalı mütəxəssis ardıcıl 32-ci dəfə meydanı məğlubiyyətsiz tərk edib. Madridlilər Ançelottinin rəhbərliyi altında sonuncu məğlubiyyəti bu ilin yanvarında “Atletiko”dan (2:4) alıb. Ançeçottinin buna qədər ən yaxşı məğlubiyyətsizlik seriyası 2013-14 mövsümündə “Real”ı çalışdırarkən olub. Komanda həmin vaxt 31 görüşdə uduzmayıb. Qeyd edək ki, “Real” hazırda 11 xalla turnir cədvəlinin 2-ci pilləsində qərarlaşır.
