1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Bavariya" klubunun ingiltərəli hücumçusu Harri Keyn "Dinamo Zaqreb"lə görüşdə ilklərə imza atıb.
Oxu.Az IFFHS.com-a istinadən xəbər verir ki, təcrübəli hücumçu UEFA Çempionlar Liqasında "Dinamo Zaqreb"ə qarşı (9:2) poker etdiyi oyunda ilklərə imza atıb və bəzi rekordlar seriyasını yeniləyib.
Harri Keyn Avropa Kuboku/Çempionlar Liqası matçında üç penalti vuran ilk oyunçudur.
Avropa Kuboku/Çempionlar Liqası tarixində digər ingilislərdən daha çox qol (33) vuraraq, Ueyn Runinin milli rekordunu (30) qırıb.
O, Çempionlar Liqası matçında 2012-ci ildə Mario Qomes, 2019-cu ildə Serj Qnabri və 2019-cu ildə Robert Levandovskidən sonra dörd qol vuran dördüncü oyunçu olmaqla, Çempionlar Liqası matçında "Bavariya"nın rekordunu təkrarlayıb.
Çempionlar Liqasında Endi Koul və Maykl Ouendən sonra (hər biri iki het-trik edib) çoxsaylı het-trik edən üçüncü ingilis oyunçu olub.
Harri Keyn Avropa Kuboku/Çempionlar Liqası tarixində Britaniyadan olmayan komanda ilə het-trik edən ilk ingilis futbolçudur.
Keyn Avropa Kuboku/Çempionlar Liqası tarixində eyni matçda 4+ qol vuran dördüncü ingiltərəli oyunçudur.
