Amerikanın hərbi-sənaye şirkəti "Lockheed Martin" 2025-ci ildə yeni hava-yer raketi olan AGM-179 Birgə Hava-Yer Raketini (JAGM) sınaqdan keçirməyi planlaşdırır. Ötən həftə şirkət Avstraliyada keçirilən sərgidə JAGM işəsalma qurğuları olan qayıq modelini nümayiş etdirib.
HİT.az-ın məlumatına görə, "Breaking Defence" mənbələrə istinadən xəbər verir ki, yeni raketlərin dəniz pilotsuz uçan aparatları və PUA-larla mübarizədə istifadə olunacağı güman edilir.
Şirkətin sərgidə təqdim etdiyi gəmi "Mark VI" layihəsinin Amerika patrul katerinə bənzəyir. Qayıq dörd raketi yerləşdirə bilən dörd "JAGM Quad Launcher" (JQL) ilə təchiz olunub.
"Breaking Defence"ə görə, JQL-nin yerüstü gəminin göyərtəsində quraşdırılması JAGM raketlərinin dənizdə ilk dəfə istifadə olunduğunu qeyd edəcək.
"Lockheed Martin" şirkəti AGM-114R Hellfire raketinin hərəkətverici sistemi və döyüş başlığı əsasında yeni raket yaradıb. JAGM diapazonu 8 km-dir. Şirkət gələcəkdə bu raketləri ABŞ və Avstraliyaya satmağa ümid edir.
Samir
