Böyük Britaniya hökuməti ölkəyə raket zərbələri ilə üzləşən mülki şəxslərə dəstək olmaq üçün Livana 10 milyon funt sterlinq (13 milyon dollardan çox) məbləğində əlavə maliyyə yardımı göstərəcək.
Bu barədə Böyük Britaniya Nazirlər Kabinetinin dərc olunmuş press-relizində deyilir.
Böyük Britaniyanın hakimiyyət orqanları hesab edir ki, Livana ayrılan vəsait Livan vətəndaşlarına ölkənin potensial təhlükəli ərazilərini tərk etməyə və həyat üçün zəruri olan resurslara və dərmanlara çıxış əldə etməyə imkan verəcək.
“Yardım paketi Livanda geniş yayılmış mənzil təhlükəsizliyi və təmiz su, gigiyena və səhiyyə xidmətlərinə məhdud çıxış kimi ciddi problemlərə cavab verir. Yardım Livan ərazisində uzun müddət mövcud olmuş etibarlı humanitar təşkilatlar vasitəsilə təmin ediləcək”, - Britaniya hökuməti mətbuata açıqlamasında bildirib.
