EN

“PashaPay” MMC ilə “Azəriqaz” İB arasında anlaşma imzalanıb - Onlayn xidmətlərlə bağlı (FOTOLAR)

10 oktyabr 2024-cü il tarixində “PashaPay” MMC ilə  “Azəriqaz” İB arasında ikitərəfli və qarşılıqlı faydalı əməkdaşlığın qurulmasına dair Anlaşma Memorandumu imzalanıb.

Mia.az xəbər verir ki, imzalanma mərasimi regionun ən böyük innovasiyalar tədbirlərindən biri olan “Inmerge İnnovasiya Sammiti”ndə dövlət və özəl tərəfdaşlığı çərçivəsində reallaşıb.

Memoranduma əsasən, “Azəriqaz” tərəfindən vətəndaşlara və hüquqi şəxslərə göstərilən bəzi xidmətlərin “m10” mobil tətbiqində rəqəmsallaşdırılması həyata keçiriləcək.

Layihə çərçivəsində “m10” mobil tətbiqində “Azəriqaz” İB müştərilərinin şəxsi kabinetinin yaradılması, onlayn xidmətlərin göstərilməsi (ərizə və müraciət qəbulu, arayış verilməsi və s.), ödəniş təcrübəsinin yaxşılaşdırılması, eləcə də ödənişlərin stimullaşdırılması kimi müxtəlif yeni alətlərin tətbiqi nəzərdə tutulur.

Chosen
6
14
mia.az

10Sources