Cəlilabadda yol-nəqliyyat hadisəsi zamanı bir nəfər dünyasını dəyişib, iki nəfər xəsarət alıb.
Bizim.Media-nın yerli bürosu xəbər verir ki, Cəlilabad rayonunun Cəlayir kəndi ərazisində 1964-cü il təvəllüdlü Vahid Əsgərov idarə etdiyi "Vaz 2106" markalı avtomobillə piyada T.Əmiyevanı vurub.
Daha sonra idarəetməni itirən avtomobil qarşı tərəfdən gələn "Vaz 2107" avtomobili ilə toqquşub. Qəza nəticəsində V.Əsgərov ölüb, piyada və digər sürücü isə bədən xəsarətləri alıblar.
Fakt araşdırılır.
Sabutay Nağıyev, Bizim.Media, Cənub bürosu
