Əmək və Əhalinin Sosial Müdafiəsi Nazirliyi yanında İctimai Şuranın sədri, iqtisad elmləri doktoru Elşad Məmmədov bildirib ki, son illərdə ölkəmizdə sosial müdafiə sisteminin təkmilləşdirilməsi məqsədilə həyata keçirilən struktur və institusional islahatlar əhalinin sosial müdafiə sahəsində şəffaflıq və effektivliyin artmasına mühüm töhfə verib. Məmmədovun sözlərinə görə, əlillik təyinatlarında şəffaflığın təmin olunması və kadr islahatları da daxil olmaqla görülən tədbirlər ölkəmizi bir sıra problemlərdən qorumaqda əsas rol oynayıb.
QHT.az xəbər verir ki, E.Məmmədov əlavə edib ki, digər ölkələrin sosial, iqtisadi, siyasi və hərbi sahələrdə üzləşdiyi çətinliklər Azərbaycan Prezidenti tərəfindən sosial müdafiə sahəsində qəbul edilən qərarların yüksək effektivliyini bir daha sübut edir.
Pərvanə Fərhadqızı
