Bolqarıstan prezidenti Rumen Radev 51-ci parlamentə növbədənkənar seçkilərin bütövlüyünə şübhə etdiyini bildirib. Dövlət başçısının mövqeyini onun mətbuat xidməti yayıb.
“Seçkilərin rəsmi nəticələrinin elan edilməsi cəmiyyəti sakitləşdirmək əvəzinə, gərginliyə səbəb oldu və səsvermənin düzgünlüyü ilə bağlı suallar doğurdu”, - Radev bildirib.
O, texniki hökumətə seçkilərin hazırlanması və keçirilməsi ilə bağlı bir sıra suallarla müraciət edib. Xüsusən də səslərin satın alınması və nəticələrin manipulyasiyası ilə bağlı siqnalların məsul orqanlara necə təsirsiz qaldığını soruşub. Radev həmçinin hakimiyyətin administrasiya və müəssisə rəhbərlərini əmrlərə uyğun olaraq səs verməyə məcbur edib-etmədiyini və səslərin alınmasında cinayətkar kontingentin iştirak edib-etmədiyini soruşdu.
Oxuməni.az
