“Rusiyanın Ukraynaya hücumundan əvvəl Qərb prezident Vladimir Zelenskidən video vəsiyyətnamə yazmasını istəyirdi”.
Bizim.Media xəbər verir ki, bu barədə Ukrayna Xarici İşlər Nazirliyinin keçmiş rəhbəri Dmitri Kuleba Olqa Koşelenkonun “ABŞ-UA: Ağ Evin gizli sənədləri” layihəsində danışıb:
“Ukraynanın dostu olan bir nəfər mənə mesaj göndərdi və mən ona geri dönüş edəcəyimi bildirəndə o dedi ki, “Zelenski video vəsiyyət yazmalıdır”.
Kuleba qeyd edib ki, Qərb Ukrayna Prezidentinin ölümü ehtimalını real qiymətləndirdiyi üçün bu tövsiyəni verib.
“ABŞ-ın vitse-prezidenti Kamala Harris Zelenskiyə mühacirətdə hökumətin yaradılmasına hazırlaşmağı, eləcə də Ukraynanı partizan müharibəsinə hazırlamaq üçün bəzi hərbi həll yolları axtarmağı tövsiyə etmişdi”, - deyə sabiq nazir əlavə edib.
Xatırladaq ki, Kuleba 4 sentyabr 2024-cü ildə xarici işlər naziri vəzifəsindən istefa verib.
Bizim.Media
