“ATV Plus” cərimə olunub.
Audiovizual Şuradan Heftelik.az-a verilən məlumata görə, Audiovizual Şura tərəfindən aparılan monitoriqlər nəticəsində multipleks operatoru olan “ATV Plus” MMC-nin retranslyasiya paketində buna hüquq verən sənəd olmadan xarici televiziya kanalının retranslyasiya olunması faktı aşkarlanıb və 4 oktyabr 2024-cü il tarixdə inzibati xəta haqqında protokol tərtib edilərək müvafiq məhkəməyə göndərilib.
Yasamal Rayon Məhkəməsinin 29 oktyabr 2024-cü il tarixli qərarı ilə “ATV Plus” MMC qeyd olunan pozuntuya görə 5000 manat cərimə olunub.
