Müəllif:Ayşən İmanova/Banco.az
Sudan Qırmızı dənizdə limanın inşası üçün Birləşmiş Ərəb Əmirlikləri (BƏƏ) ilə 6 milyard dollarlıq müqaviləni ləğv etdiyini açıqlayıb.
Banco.az xəbər verir ki, bu barədə "Sudan Tribune" ölkənin maliyyə naziri Cibril İbrahimə istinadən məlumat yayıb.
Məlumata görə, Xartum Əbu-Dabini hakim Suveren Şuraya qarşı çıxan Çevik Reaksiya Qüvvələrinə dəstək verməkdə ittiham edib.
Nəşr qeyd edir ki, 2022-ci ilin dekabrında bağlanan müqavilə, sudanlı iş adamı Usama Daudun idarə etdiyi "Abu Dhabi Ports" və "Invictus Investment" şirkəti tərəfindən Port-Sudandan 200 km şimalda yerləşən Əbu Amama limanının tikintisini nəzərdə tuturdu.
