Kompüterimizdə faylları sildikdə onların tamamilə yox olduğunu düşünürük.
Qlobal.net bildirir ki, işin maraqlı tərəfi odur ki, məlumatlar dərhal yox olmur. Bəs, onlar əslində hara gedir?
Sildiyiniz Fayllar Əslində Görünməz Olur!
Xüsusilə Windows əməliyyat sistemi ilə işləyən bir kompüterdə fayllar "pointer" adlanan göstəricilər vasitəsilə saxlanılır. Bu göstəricilər faylların sabit diskdəki dəqiq yerini Windows-a bildirir. Faylı sildiyinizdə, əməliyyat sistemi sadəcə bu göstəricini aradan qaldırır və faylın olduğu sahəni “boş” kimi işarələyir.
Lakin bu halda silinmiş fayl hələ də bərpa edilə bilər. Sabit diskdə məlumat bərpa proqramları, göstəriciləri silinmiş faylları geri qaytara bilər.
Əməliyyat sisteminizin faylları dərhal tamamilə silməməsinin səbəbi isə bunun çox vaxt almasıdır. Məsələn, 10 GB-lıq bir faylı silmək, göstəricini aradan qaldırmaqdan daha uzun sürər.
Fayllar Tamamilə Nə Zaman Silinir?
Faylların kompüterdən tamamilə yox olması, yeni məlumatların köhnə faylın olduğu sahəyə yazılması ilə baş verir.
Sabit Disk və SSD-lərdə Faylların Silinməsi
Məsələn, sabit disk istifadə edirsinizsə, əməliyyat sistemi silinmiş faylın üzərinə yeni məlumat yazana qədər o fayl sabit diskinizdə gizli olaraq qalır. Lakin SSD istifadə edirsinizsə, fayl silindikdə fiziki olaraq tamamilə yox edilir.
Yəni, bir faylı sildiyinizdə, onun dərhal yox olmadığını bilmək faydalı ola bilər. Xüsusilə sabit disklərdə, köhnə məlumatların üzərinə yeni məlumatlar yazılmadığı müddətcə fayllar əlçatan qalır.
