Bakı, TurkicWorld
Respublikaçı namizəd Donald Trampın prezident seçkilərində qalib olduğunu elan etməsi, qlobal maliyyə bazarlarında ciddi hərəkətlilik yaradıb.
TurkicWorld xəbər verir ki, Onun çıxışının ardından ABŞ istiqrazlarının gəlirləri və dolların dəyəri yüksəlməyə başlayarkən, Bitcoin-in qiyməti də rekord səviyyəyə çataraq 75 min dolları keçib.
Bu inkişaflar, Trampın iqtisadi siyasətlərinə dair gözləntilərlə bağlı olaraq investorların müxtəlif aktivlərə yönəlməsinə səbəb olub.
ABŞ-ın 10 illik xəzinə istiqrazlarının gəlirliliyi 4,47 faizə yüksəlib, bu da son dörd ayın ən yüksək səviyyəsidir.
Analitiklər Trampın immiqrasiya məhdudiyyətləri və vergi azaldılması kimi siyasətlərinin ABŞ istiqrazları üçün mənfi qiymətləndirildiyini bildirirlər.
Dollar indeksi 1,5 faiz yüksələrək 104,97-yə çatıb ki, bu da 2023-cü ilin ən böyük gündəlik artışı kimi qeyd edilib.
Bu artımın təsiri ilə avro/dollar məzənnəsi 1,7 faiz azalaraq 1,0744 səviyyəsinə enib. Avrozonada isə Almaniyanın iki illik istiqrazlarının gəlirliliyi 10 bənd azalaraq 2,19 faizə düşüb.
Bitcoin-in rekord qıraraq 75 min 297 dollara yüksəlməsi, kripto bazarının da seçki sonrası qlobal maliyyə dəyişikliklərinə reaksiyasını göstərir. Eyni zamanda, qızılın unsiya qiyməti də yüzdə 0,4 azalma ilə 2 min 732 dollara enib.
Trampın seçki qələbəsi, Tesla səhmlərinin də erkən ticarətdə Frankfurtda 14 faizdən çox yüksəlməsinə səbəb olub. Tesla-nın əsas səhmdarı İlon Maskın Trampı dəstəkləməsi bu artışı gücləndirən faktor olaraq göstərilir. Maraqlıdır ki, Trampın qələbəsi inkişaf etməkdə olan ölkələrin valyutalarını zəiflətsə də, Türk lirəsi dollar qarşısında dəyər qazanan yeganə valyuta kimi diqqət çəkib.
