İsveçrədə ictimai yerlərdə pərəncənin geyilməsi ilə bağlı mübahisəli qadağa yanvarın 1-dən qüvvəyə minəcək.
Yenicag.az “Reuters”ə istinadən xəbər verir ki, bu barədə çərşənbə günü İsveçrə hökuməti məlumat yayıb.
Neytral İsveçrədə 2021-ci ildə keçirilən referendumdan az fərqlə keçən və müsəlman dərnəkləri tərəfindən qınanan tədbir 2009-cu ildə yeni minarələrin tikintisinə qadağa qoyan eyni qrup tərəfindən təşəbbüs edilib.
Açıqlamada Federal Şura qadağanın başladığını qeydə aldığını və onu qeyri-qanuni pozan hər kəsin 1.000 İsveçrə frankı (1.144 dollar) məbləğində cərimələnəcəyini bildirib.
Hökumətin bildirdiyinə görə, qadağa təyyarələrə, diplomatik və konsulluq idarələrinə, həmçinin ibadət yerlərinə və digər müqəddəs yerlərə şamil edilmir.
Bəyanatda deyilir ki, üz örtüyünə sağlamlıq və təhlükəsizlik səbəbləri, yerli adət-ənənələr və ya hava şəraitinə görə icazə veriləcək. Hökumət əlavə edib ki, örtüklərə bədii və əyləncə məqsədləri və reklam üçün də icazə veriləcək.
Sənəddə deyilir ki, bu cür örtüklər ifadə və sərbəst toplaşmaq azadlığını həyata keçirərkən şəxsi müdafiə üçün zəruridirsə, o halda icazə verilməlidir ki, məsul orqan onları təsdiqləyib və ictimai asayiş pozulmayacaq.
Daha əvvəl bildirilmişdi ki, Fransa dövlət məktəblərində bütün bədəni örtən dini geyinilməsi qadağan edilib. Bundan əvvəl Almaniyanın Baden-Vürtemberq federal əyalətinin səlahiyyətliləri məktəblərdə üzü tamamilə örtən pərəncə və ya niqab taxmağı qadağan etməyə razılaşıblar.
Mayıl Soltanov
