FİFA prezidenti Canni İnfantino Donald Trampı ABŞ-də keçirilən prezident seçkilərində qazandığı qələbə münasibətilə təbrik edib.
Fanat.Az xəbər verir ki, dünya futbol qurumunun başçısı sosial şəbəkə hesabındakı paylaşımında Trampa futbolla əlaqəli bu sözləri yazıb:
“Təbrik edirəm, cənab Prezident! ABŞ-də möhtəşəm Dünya Çempionatı və Klublararası Dünya Kuboku keçirəcəyik! Futbol dünyanı birləşdirir!”.
Qeyd edək ki, səslər hələ də hesablansa da, Tramp seçkidə qalib gəldiyini elan edib. Son məlumata görə, Tramp 276 seçici səsi qazanıb - prezidentliyə namizədin qalib gəlməsi üçün 270 səs kifayətdir.
23-cü dünya çempionatının final mərhələsi 2026-cı ilin yayında ABŞ, Kanada və Meksikada keçiriləcək.
Mirağa
