"Harri Potter və Fəlsəfə Daşı" filmi ingilis yazıçı C. K. Roulinqin yazdığı fantastik romanlar toplusu əsasında çəkilib. Franşizanın birinci hissəsinin premyerası düz 23 il əvvəl noyabrın 4-də Londonun Odeon kinoteatrında baş tutub. Bu münasibətlə kinoteatr binası ilk dəfə Hoqvarts məktəbi şəklində bəzədilib.
Hafta.az-ın yazdığına görə, tədbirdə franşizanın üç əsas obrazını canlandıran gənc aktyorlar iştirak ediblər: Daniel Radkliff, Rupert Qrint və Emma Vatson. O vaxt uşaqlar hələ heç kim tərəfindən tanınmasa da, filmin premyerasından sonra dünyaca məşhur ulduzlara çevrildilər.
Franşizanın premyerasında onların 11-13 yaşı var idi. O zaman bilmirdilər ki, onları böyük gələcək gözləyir.
Premyerada Harri Potterin "anası" - yazıçı C.K. Roulinq də iştirak edirdi. O, tədbirə Neil Murrayla qatılıb. Filmin premyerasından az sonra cütlük ailə qurub. Toy 2001-ci il dekabrın 26-da olub. İndi onlar rəsmiən boşanıblar.
“Harri Potter və Fəlsəfə Daşı”, seriyanın ilki, 26 iyun 1997-ci ildə ekranlara çıxıb. Roman dünya miqyasında populyarlıq qazandı, tənqidçilərdən müsbət rəylər aldı və kommersiya uğuru qazandı. 2018-ci ilin fevral ayına olan məlumata görə, “Harry Potter” romanlar kolleksiyası dünya üzrə 500 milyon nüsxədən çox satılıb.
Bu romanlar silsiləsi əsasında Warner Bros səkkiz film çəkib. Franşiza 25 milyard dollardan çox gəlir əldə edərək onu bütün zamanların ən çox gəlir gətirən filmlərindən birinə çevirib.
