Azərbaycanlı Eldar Əliyev Rusiya prezidenti Vladimir Putindən “Rusiyanın xalq artisti” adını alıb. Bakılı bu il yaradıcılıq karyerasına başlamasının 50 illiyini qeyd edir.
Noyabrın 6-da Rusiya Federasiyasının Prezidenti Vladimir Putin Mariinski Teatrının Primorski səhnəsinin balet truppasının bədii rəhbəri Eldar Əliyevə “Rusiyanın xalq artisti” adının verilməsi haqqında sərəncam imzalayıb. Sənədə əsasən, Əliyev bu ada xoreoqrafiya sənətinin inkişafında böyük xidmətlərinə görə layiq görülüb. Bu barədə Mariinski Teatrının mətbuat xidməti məlumat yayıb.
Bundan əlavə, o, Rusiya Teatr Xadimləri İttifaqının həmsədri Valeri Gergievin köməkçisi oldu.
Qeyd edək ki, bu il Eldar Əliyev yubileyini qeyd edir: yaradıcılıq karyerasına başlamasının 50 illiyi.
Eldar Əliyev Bakıda anadan olub, burada Bakı Xoreoqrafiya Məktəbini, daha sonra Sankt-Peterburqda A.Y.Vaqanova adına Rus Balet Akademiyasının pedaqoji şöbəsini bitirib.
Almaz Həsənli
