Çox zaman müddətdən artıq xidmət keçmək haqqında hərbi müqavilə bağlamış və ya çağırış əsasında xidmət keçənlər hərbi formada avtomobil qəzasına düşəndə, yaxud günvurmadan dünyasını dəyişəndə valideynləri şəhid statusu tələb edirlər.
Avtosfer.az xəbər verir ki, bu fikirləri Milli Məclisin deputatı Siyavuş Novruzov parlamentin bu gün keçirilən plenar iclasında səsləndirib.
O, bu tələbin düzgün olmadığına söyləyib:
“Çünki torpaqlarımız uğrunda döyüşüb mübarizə aparan insanlarla onların fəaliyyəti üst-üstə düşmür. Buna görə bu məqamları nəzərə almalıdırlar. Şəhid adı döyüş vaxtı ən yüksək amallar uğrunda həlak olan şəxslərə verilir”.
