Premyer Liqa təmsilçisi “Araz-Naxçıvan” bir mövsüm ərzində qazanılan qələbə sayında tarixinin rekordunu təkrarlayıb.
Arena.az xəbər verir ki, Elmar Baxşıyevin yetirmələri cari çempionatda 9-cu dəfə qalib gəlib.
Naxçıvan təmsilçisi Azərbaycan Premyer Liqasının 13-cü turunda “Sumqayıt”ı bir qolla məğlub edib.
“Araz-Naxçıvan” buna qədər mövsüm ərzində ən çox qələbəni ötən çempionatda əldə edib. Komanda 2023/2024 mövsümünün 36 görüşündə 9 dəfə 3 xala sevinib. Bu dəfə Baxşıyevin yetirmələri eyni sayda qələbəni 13 matçda qazanıb. Növbəti qələbə yeni rekordla əlamətdar olacaq.
Xatırladaq ki, Naxçıvan klubu mübarizəni erkən dayandırdığı çempionatı saymasaq, yüksək dəstədə 4-cü mövsümünü keçirir.
