“Qalatasaray”ın futbolçusu Mauro İkardi məhkəmə qarşısına çıxacaq.
Heftelik.az-ın Qafqazinfo-ya istinadən verdiyi məlumata görə, buna səbəb həyat yoldaşı Vanda Naranın futbolçunu şikayət etməsidir.
Argentina mətbuatının yazdığına görə, V.Nara aralarında yaşanan mübahisədən sonra İkardidən şikayətçi olub. Forvarda “qadına şiddət” maddəsi ilə cinayət işi açılıb.
Mauro İkardinin məhkəmə qarşısına çıxarılacağı bildirilib.
Qeyd edək ki, bir neçə müddət öncə Mauro İkardi və Vanda Nara ayrılıb. Onlar rəsmi boşanmasa da, Vanda Nara yeni sevgilisi ilə görüntülərini sosial şəbəkədə paylaşıb. Həmin görüntülərə sinirlənən futbolçu Argentinaya yollanaraq Nara ilə danışmaq qərarına gəlib. Nəticədə tərəflər arasında qalmaqal yaranıb.
