Xəbər verdiyimiz kimi, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) davam edir.
Sfera.az bildirir ki, tədbirin keçirildiyi stadionunun brendinqi COP29 Azərbaycan Əməliyyat Şirkəti tərəfindən hazırlanıb.
Əməliyyat şirkətində komandanın işi COP29-a hazırlıq müddətində müxtəlif miqyaslı tədbirlərin və məkanların merçendayz və promo məhsulların dizaynı, uniformaların, şəhər brendinqi və sosial şəbəkə vizuallarının hazırlanmasından ibarətdir.
Tədbirin məqsədini ölkəyə və dünyaya çatdırmaq üçün şəhər boyunca vizuallar, instalyasiyalar, tədbir iştirakçılarının əsas məkanlara əlçatanlığının yaradılması üçün yol-işarə lövhələrinin dizaynı həyata keçirilib.
Həmçinin bu layihədə Azərbaycana məxsus milli elementlərdən istifadə edilərək, vizual həllər yaradılıb.
COP29 Azərbaycan Əməliyyat şirkətinin art direktoru Turqay Məliklinin təqdimatında hazırlanmış video materialı təqdim edirik:
