Şimali Koreya lideri Kim Çen In Cənubi Koreya ilə gərginliyin “tarixdə ən pis səviyyədə” olduğunu bildirib.
O, ölkənin hərbi potensialını gücləndirməyə çağırıb.
"Cebheinfo.az" xəbər verir ki, Şimali Koreya Mərkəzi Xəbər Agentliyinin (KCNA) məlumatına görə, Kim Koreya Xalq Ordusunun (KPA) paytaxt Pxenyanda keçirilən konfransında çıxış edib.
Cənubi Koreya ilə hərbi gərginliyin "tarixdə ən pis səviyyədə olduğunu" qeyd edən Kim Koreya yarımadasını "dünyanın ən qaynar nöqtəsi" olaraq xarakterizə edib. Kim ölkənin hərbi potensialının gücləndirilməli olduğunu müdafiə edib və əsgərləri “regionda başlaya biləcək real müharibəyə hazır olmağa” çağırıb.
