"Cenoa"nın baş direktoru Alberto Cilardino İtaliya millisinin sabiq hücumçusu Mario Balotellinin heyətə qatılmasından danışıb.
Fanat.Az xəbər verir ki, "Football Italia" onun sözlərini belə çatdırıb:
"O, komandaya çox tez uyğunlaşdı. Balotelli fərq yaratmaq bacarığını ortaya qoymalıdır. İstər 15 dəqiqə oynasın, istər yarım saat, istərsə də oyun başlayandan bitənə qədər, fərq etməz. Bu həm klub, həm də Mario üçün çağırışdır. O, sübut etməlidir ki, əvvəlki kimi A Seriyası səviyyəsində oyunçudur və vəziyyəti dəyişə bilir".
Xatırladaq ki, Balotelli oktyabrın 28-də "Cenoa" ilə müqavilə bağlayıb. O, artıq iki oyunda meydana çıxaraq ümumilikdə 22 dəqiqə mübarizə aparıb.
Nihat
