Çin Xalq Azadlıq Ordusunun Qərb Döyüş Komandanlığı Zonası noyabrın sonundan dekabrın ilk ongünlüyünə qədər davam edəcək birgə antiterror təlimlərində iştirak etmək üçün noyabrın sonunda Pakistana qoşun göndərəcək.
Qaziler.az “Sinxua” agentliyinə istinadla xəbər verir ki, bu barədə Çin Müdafiə Nazirliyi məlumat yayıb.
Məlumatda qeyd olunub ki, kod adı “Warrior-VIII” olan təlimdə əsas diqqət birgə antiterror əməliyyatları və zərbə əməliyyatları olacaq.
Nazirlikdən bildirilib ki, tərəflər çoxsahəli bölmələrin iştirakı ilə çoxsəviyyəli qarışıq manevrlər keçirəcək, həmçinin real döyüş prosesinə uyğun döyüş təlimləri təşkil edəcəklər.
QAZİLER.AZ
