Elektrikli avtomobillərə tələbatın azalması və Çin istehsalçıları ilə şiddətli rəqabət səbəbindən “Ford” şirkəti 2027-ci ilin sonuna qədər Avropada təxminən 4 min iş yerini ixtisar etməyi planlaşdırır.
“Report” xəbər verir ki, bu barədə “Financial Times” məlumat yayıb.
Qeyd olunur ki, ixtisarlar Almaniyada 3 min, Böyük Britaniyada isə 800 işçiyə təsir edəcək və bu, avtomobil istehsalçısının Avropadakı işçi qüvvəsinin 14 %-ni təşkil edəcək.
İxtisarlar həmkarlar ittifaqları ilə müzakirə edilir, şirkət isə diqqətini daha gəlirli sahələrə yönəldəcək. Daha əvvəl “Ford”un rəhbəri Cim Farli elektrikli avtomobillərin istehsalının 40 % daha az işçinin tələbatına dair xəbərdarlıq etmişdi.
“Ford”un Avropada rəqabətədavamlı qalmasını təmin etmək üçün qətiyyətli addımlar atmağımız çox vacibdir”, - şirkətin vitse-prezidenti Deyv Conston söyləyib.
Oxşar vəziyyət Almaniyada zavodlarını bağlamağı və tələbin azalması və bazar payının itirilməsi səbəbindən genişmiqyaslı ixtisarlar planlaşdıran “Volkswagen”də də müşahidə olunur.
