Macarıstan Rusiyadan enerji ehtiyatlarının tədarükü ilə kifayətlənir və ondan imtina etmək fikrində deyil, çünki daha etibarlı və sərfəli təklifləri yoxdur.
NOCOMMENT.az xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto Aİ Xarici Ticarət Şurasının yekunlarına dair mətbuat konfransında bildirib.
“Macarıstan Rusiya ilə davam edən enerji əməkdaşlığından məmnundur. Bizim təcrübəmiz ondan ibarətdir ki, Rusiya etibarlı təchizatçıdır, biz həmişə razılaşdığımız qiymətə, razılaşdığımız zaman müqavilə həcmlərini almışıq”, – deyib və əlavə edib ki, Moskvadan daha yaxşı təkliflər hələ gəlməyib.
