Mərakeş millisinin üzvü Əşrəf Hakiminin PSJ-dəki aqibətinin necə olacağı müəyyənləşib.
Fanat.Az "RMC Sport"a istinadən məlumatına görə, sözügedən oyunçu Paris təmsilçisi ilə müqavilə yeniləyəcək.
Xəbərə görə, tərəflər artıq bununla bağlı razılığa gəliblər. Mənbə yeni sözləşmənin müddətinin 2029-cu ilin yayınadək nəzərdə tutulacağını vurğulayıb.
Qeyd edək ki, Hakimi cari mövsüm PSJ forması ilə bütün turnirlərdə 13 oyuna çıxaraq 2 qol və 3 məhsuldar ötürmə müəllifi olub.
