Fins.az - Google-un Chrome brauzeri, potensial alıcılar tərəfindən 15-20 milyard dollar arası bir qiymətə satıla bilər.
Bu barədə TECHnalysis Research şirkətinin analitiki Bob O'Donnell məlumat verib.
Ekspertin sözlərinə görə, Chrome-u birbaşa monetizasiya etmək mümkün deyil. Lakin, onun qiyməti alıcıların bu brauzeri digər xidmətlərlə necə birləşdirə biləcəklərindən asılı olaraq dəyişə bilər. Bloomberg Intelligence analitiki Mandip Sinqx bildirib ki, Chrome-un aylıq 3 milyarddan çox aktiv istifadəçisi olduğu nəzərə alınarsa, brauzerin qiyməti ən azı 15-20 milyard dollar olacaq.
Google isə öz bloqunda bildirib ki, əgər Chrome başqa şirkətlərə məxsus olsaydı, bu şirkətlər brauzeri pulsuz saxlamaq və ona bu qədər sərmayə qoymaq üçün heç bir motivasiya tapmazdılar və iş modelini dəyişdirmək məcburiyyətində qalardılar.
Bu məlumat, Chrome-un gələcəkdə necə inkişaf edəcəyini və hansı şirkətlərin onu almağa maraqlı olacağını müəyyənləşdirə bilər.
