Bitcoin (BTC) 21 noyabr 2024-cü il tarixində 99 000 dollarlıq zirvə qiymətinə çataraq tarixi rekordunu yeniləyib. Altkoinlər də bu yüksəliş fonunda qiymət artımları göstərməyə başlayıb, lakin tam miqyaslı "Altkoin Mövsümü"nün başlandığını demək üçün hələ erkən mərhələdəyik. ASSIST Finance analitiklərinin fikrincə, mövcud göstəricilər altkoinlər üçün ciddi potensialın olduğunu göstərir, lakin tam rotasiya üçün əlavə fundamental və texniki şərtlərin yerinə yetirilməsi lazımdır.
Altkoin Mövsümünün Təsiri və Göstəriciləri
Altkoin Mövsümü İndeksi hazırda 33 səviyyəsindədir. Bu, Bitcoin-in hələ də bazarda üstün mövqe saxladığını və altkoinlərin daha geniş tələbat mərhələsinə keçməsi üçün vaxt tələb olunduğunu göstərir. Analitiklər vurğulayır ki, “İndeksin 75 səviyyəsinə çatması, bazar iştirakçılarının altkoinlərə yönəlməsi üçün əsaslı bir siqnal olacaq.”
Donald Trampın ABŞ prezident seçilməsi də kriptovalyutalar bazarında müsbət dinamika yaradır. Onun siyasətləri Ripple, Solana, Toncoin və Cardano kimi Layer-1 texnologiyalı altkoinlərə əlavə dəstək verir. Bu dəstək bazarın likvidliyini artıraraq investorların diqqətini altkoinlərə yönəldir.
Bitcoin-in Rolu və Dominantlığı
Bitcoin-in bazar dominantlığı hazırda 60%-ə yaxın səviyyədədir. Bu, bazarın hələ də BTC-yə fokuslandığını göstərir. Analitiklər qeyd edir ki, “Dominantlıq göstəricisinin 58%-dən aşağı düşməsi, altkoinlərə miqrasiyanın başlamasına səbəb ola bilər.” Bununla belə, BTC-nin 100 000 dollarlıq psixoloji həddi keçməsi altkoinlərin geniş miqyaslı artım mərhələsinə qədəm qoyması üçün əhəmiyyətli olacaq.
Texniki Vəziyyət: Potensial Artımlar
- BTC Hədəfləri: Bitcoin-in 149.80$ və 153.50$ qısa müddətli səviyyələri var.
- Altkoin Spot Ticarət Həcmi: Altkoinlərin günlük ticarət həcmi 18 milyard dollara çatıb, bu da 2024-cü ilin ən yüksək göstəricilərindən biridir.
Altkoinlərin Gələcəyi
Hazırda altkoinlərdən Mantra (OM), Sui (SUI) və Dogecoin (DOGE) kimi aktivlər Bitcoin-dən daha yaxşı performans göstərib. Bununla belə, böyük altkoinlərin əksəriyyəti hələ də bazarda mənfəət rotasiyasının başlamasını gözləyir.
"ASSIST Finance"ın Analitik Baxışı
ASSIST Finance eksperti İlkin Alıyev vurğulayır ki, mövcud göstəricilər altkoin mövsümünün başlanğıc mərhələsində olduğumuzu göstərir. “BTC-nin 100 000 dollarlıq səviyyəni keçməsi və bazar dominantlığının azalması ilə altkoinlərdə daha böyük artımlar gözlənilir” – deyə analitik əlavə edir. İndi altkoinlərdə investisiya imkanlarını nəzərdən keçirmək üçün əlverişli vaxt ola bilər.
Qeyd edək ki, sizdə ASSIST Finance vasitəsilə maliyyə bazarında öz yerinizi tuta bilər, yerli və xarici səhmlərə, istiqrazlara yatırım edə, həmçinin birja ticarəti ilə gəlirlərinizi yüksəldə bilərsiniz.
