Yaponiyaya səfər edən turistlərin çoxu döymələrə qarşı belə sərt mövqeyi anlamaqda çətinlik çəkir. Lakin, döymələr Yapon mədəniyyətində gözləniləndən daha dərin məna daşıyır. Yaponiyada tatuajlı insanların üzləşdiyi bu qərəzli münasibətin əsrlər əvvələ dayanan bir tarixi var.
Bəs, yaponların döyməli insanları sevməməsinin tarixi səbəbləri nədir?
Sfera.az bu barədə maraqlı yazı təqdim edir.
Yaponiyada cinayətlə əlaqəli döymələr göründüyü qədər yeni bir fenomen deyil. Comon dövründə (eramızdan əvvəl 1400 - BC 400) tatuirovka identifikasiya məqsədləri üçün istifadə edilmişdir.
Bununla belə, Nara dövründə (710-794) tatuajlar cinayətkarların cəzasına çevrildi və cəmiyyətdə insanları işarələmək üçün istifadə edilməyə başlandı.
Yenidən cinayət törədən bəzi insanların alnında “it (犬)” kimi damğalayıcı xarakterlər var idi. Bu təcrübə tatuajların cəmiyyətin gözündə cəza simvolu kimi qəbul edilməsinə səbəb olmuş və döymələri olan insanların cinayət keçmişi olduğu təəssüratını gücləndirmişdir.
Hal-hazırda döymələr Yaponiyanın məşhur cinayət təşkilatı olan “Yakuza” ilə əlaqələndirilir. “Yakuza” üzvlərinin bədənləri adətən döymələrlə örtülür və yaponlar bir döymə görəndə bu təşkilatı xatırlayırlar.
Hələ də döymənin “Yakuza” üzvlüyünü göstərdiyinə dair güclü bir qərəz var.
Tatu etdirmək “Yakuza” üzvlüyünün göstəricisidir.
Yakuza üzvlərinin döymələri adətən bütün bədənlərini əhatə edir və çatışmayan barmaqlar kimi fərqli işarələrlə birləşdirilir.
Rəsmi qurumlarda belə döyməyə tolerantlıq yoxdur. 2012-ci ildə Osaka meri Toru Haşimoto, uşaqları qorxutduqları səbəbiylə dövlət məmurlarının döymələrini uyğunsuz hesab edib.
Haşimoto “Tatuaj etdirməkdə israr edənlər özəl sektorda işləsinlər”- deyərək tatu əleyhinə mövqeyini açıq şəkildə ifadə edib.
Aynil
