Rusiya Təhlükəsizlik Şurasının sədr müavini Dmitri Medvedev bildirib ki, Ukrayna Kursk və Bryansk vilayətlərinə raket zərbələri endirdikdən sonra ABŞ və digər NATO ölkələri Rusiyaya qarşı tam hüquqlu müharibəyə başlayıb...
Poliqon xəbər verir ki, onun sözlərinə görə, hücumlar nəticəsiz qalmayıb.
“Bu, döyüşlərin gedişatını və baş verən hadisələri dəyişir, çünki bu, NATO bloku, Vaşinqton və alyansın digər iştirakçılarının əslində artıq hibrid müharibədə deyil, ölkəmizə qarşı tammiqyaslı müharibədə iştirak etdiyini göstərir", deyə Medvedev Al-Arabiya kanalına verdiyi müsahibəsində bildirib.
Bundan əvvəl Rusiya prezidenti Vladimir Putin bildirib ki, Ukraynanın Rusiyaya Qərbin uzaqmənzilli silahları ilə (Amerikanın ATACMS və Britaniyanın "Storm Shadow" raketləri) zərbələri nəticəsində münaqişə qlobal xarakterli elementlər əldə edib.
Bu həftə cavab olaraq Rusiya hərbçiləri ilk dəfə nüvəsiz "Oreşnik" hipersəsli orta mənzilli ballistik raketindən istifadə edib. Hücum Ukraynanın "Yujmaş" müdafiə müəssisəsinə edilib.
Poliqon.info
