Olaylar xəbər verir ki, bunu Braziliyanın ətraf mühit və iqlim naziri Marina Silva COP29-un yekun plenar iclasında bildirib.
"Burada Azərbaycanda bizim əsas problemimiz COP30-a çatmaq üçün kifayət qədər resurslar, maliyyə və icra mexanizmlərini təmin etməkdir, biz Milli Səviyyədə Müəyyən Edilmiş Töhfələrin (NDC) bu missiyaya nail olmaq üçün kifayət qədər iddialı olmasını təmin etməliyik", - o bildirib.
Nazir vurğulayıb ki, Belemdə COP30 genişmiqyaslı bir vəzifədir və yalnız birgə səylərlə həll edilə bilər.
"Biz hər birimizin qarşısında duran çoxsaylı vəzifələri anlayırıq. Braziliyada COP30-da əldə etməli olduğumuz nəticə etik öhdəliyimizə və siyasi öhdəliyimizə əsaslanan üç onillikdən çox işin nəticəsi olacaq. Bunlar ən vacib vəzifə naminə səylərdir - Yerdəki həyatın əsası, onun zəif tarazlığını qoruyub saxlamaq", - o əlavə edib.
