Türkiyədə ötən gündən yağan qar bir sıra çətinliklərə səbəb olub.
Musavat.com-un CNN Türk-ə istinadə xəbərinə görə, İstanbul və Ankara da daxil olmaqla ölkənin bir çox şəhərinə güclü qar yağıb.
Qeyd edilib ki, Bolu rayonunun Gerede mahalına yağan güclü qar səbəbindən Anadolu magistralında nəqliyyat dayanıb.
Bundan başqa, aramsız yağan qar bir çox dağlıq ərazilərdə yolların buz bağlamasına səbəb olub və nəqliyyatın hərəkəti demək olar ki, tam dayanıb.
