Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 14-cü turuna yekun vurulacaq.
Arena.az xəbər verir ki, sonuncu oyun günündə daha iki qarşılaşma baş tutacaq.
Günün ilk oyunu Tovuzda “Turan Tovuz”la “Sabah” arasında keçiriləcək. Son iki turda qələbəsiz qalan və heç-heçələrlə kifayətlənən Tovuz təmsilçisi doğma meydanda 3 xal həsrətinə son qoymağa çalışacaq. “Sabah” isə 6 oyundur qələbəyə həsrətdir. Krunoslav Renduliçin kollektivi bu görüşlərdə 2 məğlubiyyət, 4 heç-heçə görüb.
“Turan Tovuz” hazırda 26 xalla yarış cədvəlində 3-cü pillədədir. “Sabah” isə 18 xalla 5-cidir.
Turun sonuncu oyunu Sumqayıtda baş tutacaq. “Sumqayıt” doğma meydanda “Şamaxı” ilə üz-üzə gələcək. Uzun müddətdir qələbəyə həsrət olan “Şamaxı” hazırda 13 xalla 6-cı sırada qərarlaşıb. “Sumqayıt” da eyni xala malik olmasına rəğmən, 8-cidir.
Premyer Liqa
14-cü tur
22 noyabr
“Kəpəz” – “Araz-Naxçıvan” 0:2
Qollar: Felipe Santos, 25. Bernardo Dias, 85.
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov.
VAR: Fərid Hacıyev.
AVAR: Rəhman İmami.
Hakim-inspektor: Ömər Paşayev.
AFFA nümayəndəsi: Emin Cəfərov.
Tovuz şəhər stadionu, 17:00.
23 noyabr
“Səbail” – “Qarabağ” 0:3
Qollar: Olavio Juninyo, 47. Aleksey Kaşuk, 66. Leandro Andrade, 88.
Hakimlər: Nicat İsmayıllı, Zöhrab Abbasov, Cəmil Quliyev, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Anar Salmanov.
AFFA nümayəndəsi: Asif Əliyev.
Bakı. “Bayıl Arena”, 17:00.
“Neftçi” – “Zirə” 2:1
Qollar: Filip Ozobiç, 29. Emil Səfərov, 68 – İssa Cibrilla, 51.
Hakimlər: Kamal Umudlu, Namiq Hüseynov, Vüsal Məmmədov, Əli Əliyev.
VAR: İnqilab Məmmədov.
AVAR: Rəvan Həmzəzadə.
Hakim-inspektor: Babək Quliyev.
AFFA nümayəndəsi: Zümrüd Ağayeva.
Bakı. “Neftçi Arena”, 19:00.
24 noyabr
“Turan Tovuz” – “Sabah”
Hakimlər: Rəşad Əhmədov, Kamran Bayramov, Rahil Ramazanov, Tural Qurbanov.
VAR: Cavid Cəlilov.
AVAR: Müslüm Əliyev.
Hakim-inspektor: Rəhim Həsənov.
AFFA nümayəndəsi: Rüfət Əmirov.
Tovuz şəhər stadionu, 17:00.
“Sumqayıt” – “Şamaxı”
Hakimlər: Rauf Cabbarov, Eyyub İbrahimov, Şirmamed Mamedov, Rəvan Həmzəzadə.
VAR: Rauf Allahverdiyev.
AVAR: Akif Əmirəli.
Hakim-inspektor: Munis Abdullayev.
AFFA nümayəndəsi: Nəriman Axundov.
Mehdi Hüseynzadə adına Sumqayıt şəhər stadionu, 19:00.
