Bu gün Filippinin paytaxtı Manilada 1000-ə yaxın ev yanıb.
APA-nın “France-Presse”-yə istinadən verdiyi xəbərə görə, güclü yanğın gecəqonduların olduğu yaşayış massivini əhatə edib.
Yanğın evlərdən birinin ikinci mərtəbəsində başlayıb və 1000-ə yaxın evi əhatə edib. Bu evlərdə 2000-ə yaxın ailə yaşayıb.
Yanğının söndürülməsinə 36 yanğınsöndürmə maşını, 2 helikopter cəlb olunub.
Ölən və yaralananlar barədə hələ məlumat verilmir.
