Bu gün futbol üzrə UEFA Çempionlar Liqasında 2024/2025-ci illər mövsümünün Liqa mərhələsində 5-ci tura start verilib.
Arena.az xəbər verir ki, turun ilk oyun günündə 9 qarşılaşma baş tutub.
Maraqlı matçlardan biri Almaniyada keçirilib. “Bayern” doğma meydanda Fransanın PSJ klubunu qəbul edib. Almaniya nəhəngi bu görüşdə Fransa çempionunu tək qolla üstələyib.
İngiltərə təmsilçisi “Mançester Siti” isə evdə “Feyenoord”la (Niderland) üz-üzə gəlib. Altı qolluq bu oyunda meydan sahibləri 3:0 hesablı üstünlüyü son dəqiqələrdə buraxdıqları qollarla əldən veriblər.
İspaniya təmsilçisi “Barselona” da doğma azarkeşləri önündə meydana çıxıb. Kataloniya klubu “Brest”lə (Fransa) görüşüb və 3 cavabsız qolla qalib gəlib. “Atletiko” səfərdə “Sparta”nı, “Arsenal” “Sportinq”i, “Atalanta” da “Yanq Boyz”u darmadağın edib. “Bayer” isə evdə “Zalsburq”u 5 cavabsız qolla yenib.
Qeyd edək ki, UEFA Çempionlar Liqasında Liqa mərhələsinin 5-ci turunun qalan görüşləri noyabrın 27-də keçiriləcək.
UEFA Çempionlar Liqası
Liqa mərhələsi, 5-ci tur
26 noyabr
“Slovan” (Slovakiya) – “Milan” (İtaliya) 2:3
Qollar: Barseqyan, 24. Marselli, 88 – Pulişiç, 21. Leao, 68. Abraham, 71.
“Sparta” (Çexiya) – “Atletiko” (İspaniya) 0:6
Qollar: X.Alvares, 15; 59. Lyorente, 43. Qrizman, 70. Korrea, 85; 89.
“Mançester Siti” (İngiltərə) – “Feyenoord” (Niderland) 3:3
Qollar: Haland, 44-pen; 53. İ.Gündoğan, 50 – H.Mussa, 75. S.Ximenes, 82. Hansko, 89.
“Bayern” (Almaniya) – PSJ (Fransa) 1:0
Qol: Kim Min Jae, 38.
“İnter” (İtaliya) – “Leypsiq” (Almaniya) 1:0
Qol: Lukeba, 27-öz qapısına.
“Barselona” (İspaniya) – “Brest” (Fransa) 3:0
Qol: Levandovski, 10-pen; 90+2. Olmo, 66.
“Bayer” (Almaniya) – “Zalsburq” (Avstriya) 5:0
Qollar: Virts, 8-pen; 30. Qrimaldo, 11. Şik, 61. A.Qarsiya, 72.
“Sportinq” (Portuqaliya) – “Arsenal” (İngiltərə) 1:5
Qollar: İnasio, 47 – Martinelli, 7. Haverts, 22. Qabriel, 45+1. Saka, 65-pen. Trossard, 82.
“Yanq Boyz” (İsveçrə) – “Atalanta” (İtaliya) 1:6
Qollar: Qanvula, 11 – Reteqi, 9; 39. De Ketelare, 28; 56. Kolaşinaç, 32. Samardziç, 90+1.
