Futbol üzrə Azərbaycan Kubokunun 1/8 final mərhələsinin “Turan Tovuz” – “Sabah” oyununun biletləri satışa çıxarılıb.
Arena.az xəbər verir ki, bu barədə Tovuz klubunun mətbuat xidməti məlumat yayıb.
Xəbərdə bildirilir ki, biletləri bu gündən etibarən Tovuz şəhər stadionunun kassasından və şəhərin mərkəzində yerləşən satış məntəqəsindən əldə etmək mümkündür. 2 AZN-lik biletlərlə yanaşı məhdud sayda olan 5 AZN-lik VİP biletlər də satışdadır.
Qeyd edək ki, Azərbaycan Kubokunda 1/8 final mərhələsi bir oyundan ibarətdir. Belə ki, cavab görüşü olmayacaq və qalib gələn tərəf birbaşa 1/4 finala yüksələcək.
“Turan Tovuz” – “Sabah” oyunu dekabrın 3-də Tovuz şəhər stadionunda baş tutacaq. Oyuna saat 18:00-da start veriləcək.
