“Ağ Dəbilqəlilər” Qeyri-hökumət təşkilatının çərşənbə axşamına keçən gecə yaydığı bəyanata görə, Bəşər Əsəd rejiminin vəhşiliyinin simvoluna çevrilən Dəməşqin şimalındakı Sednaya hərbi həbsxanasında artıq məhbus yoxdur.
Herbiand.az xəbər verir ki, təşkilatın könüllüləri Əsəd rejiminin cəza həbsxanası kimi tanınan Sednaya hərbi həbsxanasında axtarışlar aparıblar.
İnsanlar məhbusları axtarmaq üçün Sednaya həbsxanasının zirzəmisinə enirİnsanlar məhbusları axtarmaq üçün Sednaya həbsxanasının zirzəmisinə enir.
Əsəd rejiminin devrilməsindən və üsyançı qüvvələr tərəfindən həbsxanaya basqın edildikdən sonra itkin düşmüş məhbusların bir çox qohumları onun gizli kameralarında və gizli otaqlarında sağ qalan məhbusların ola biləcəyini ehtimal edirdilər. Axtarışa beş qrup, o cümlədən təlim keçmiş polis itlərindən ibarət iki komanda və həbsxana ilə tanış olan insayderlər cəlb olunub.
“Ağ Dəbilqəlilər”in bəyanatında deyilir: "Bütün giriş-çıxışlar, ventilyasiya şaxtaları, drenaj sistemləri, su boruları, kabel kanalları və müşahidə kameraları yoxlanılıb. Bu geniş səylərə baxmayaraq, heç bir gizli və ya məhdudlaşdırılan ərazilər aşkar edilməyib".
Təşkilatın rəhbəri Raed Salehin sözlərinə görə, həbsxanada ümumilikdə 150 minə yaxın adam saxlanılıb. Mühafizəçilərinin qəddarlığı və işgəncələri ilə suriyalılar arasında şöhrət qazandı, bu da onun "qəssabxana" adlandırılmasına səbəb oldu. Əsirlər arasında minlərlə günahsız dinc sakin də var idi. İtkin düşmüş məhbusların axtarışı davam edir.
Haqzırda Sednaya həbsxanasının qarşısında çoxlu naməlum cəsədlər var.
