“Xəzər Media Mərkəzi”nin rəhbəri, Xalq artisti Murad Dadaşov dünya şöhrətli bəstəkar – müğənni Villi Uilyam və Rumıniyalı “Morandi” pop – rok qrupunun üzvləri ilə bir araya gəlib.
OLAY yazır ki, Dadaşov Villinin və qrupun bu gün “Baku Crystal Hall”da verəcəyi konsertdən əvvəl keçirdiyi məşq prosesini lentə alıb.
Həmin görüntüləri isə Xalq artisti instaqram səhifəsində yayımlayıb. Sözügedən paylaşımı V.Uilyam və “Morandi” öz rəsmi hesablarında “repost” edərək izləyiciləri ilə bölüşüb.
Qeyd edək ki, Villi Ulyam və “Morandi” dünya kuboku çempionu və səkkizqat “Qızıl top”un sahibi Lionel Messini komanda yoldaşları Luis Suarez, Serxio Busquets və Jordi Alba ilə birlikdə azərbaycanlı azərkeşləri ilə keçiriləcək görüş çərçivəsində çıxış edəcək. Ötən gecə dünya futbolunun ulduzları paytaxtımıza təşrif buyublar.
