Bu gün Nizami Kino Mərkəzində "CİNEMO"- II Beynəlxalq Mobil Film Festivalı baş tutub.
Sitat.info xəbər verir ki, Mədəniyyət Nazirliyinin təşkilatçılığı ilə həyata keçirilən festivalda həm yerli, həm də xarici filmlər nümayişi olunub.
Filmlər 3 nominasiyada - "Bədii film", "Sənədli film", "Sosial çarx" kateqoriyalarında göstərilib.
2023-cü ildə fəaliyyətə başlayan, yalnız mobil telefon ilə çəkilmiş və festivala qəbul edilmiş filmlərin canlı nümayişini keçirən festivalın, 13 dekabrda Mükafatlandırma Mərasimi keçiriləcək. Qaliblər xüsusi seçilmiş münsiflər tərəfindən müəyyən ediləcək.
Qeyd edək ki, keçən il "CİNEMO 2023" qalibləri -
Bədii filmlər üzrə:
I yer – “44 ölçü” / Dilavər MANAFOV;
II yer – “BAYRAM HƏDİYYƏSİ” / Şirin ƏHMƏDOV;
III yer – “BAĞLIDIR / AÇIQDIR” / QAFAROVA.
Sənədli filmlər üzrə:
I yer – “ALOVLA SAVAŞANLAR” / Taleh URFANSOY;
II yer – “ŞƏRQİYYƏ” / Sabir NURULLAYEV;
III yer – “DAŞLARIN SİRRİ” / Emin HƏSƏNOV.
Sosial çarxlar üzrə:
I yer – “QİSMƏT” / Məmmədəli ƏBİLOV;
II yer – “GƏLİNCİK” / Fikrət GÜNDÜZLÜ;
III yer – “MƏNİM ADIM AUTİZMDİR” / Azər KAZIMOV olmuşdu.
Fatimə Zeynal,
Sitat.info
