Avropa İttifaqı Şurası, nəhayət, Bolqarıstan və Rumıniyanın yanvarın 1-dən Şengenə qoşulmasını təsdiqləyib. Bu barədə Aİ Şurasının bəyanatında deyilir.
“Aİ Şurası 2025-ci il yanvarın 1-dən Rumıniya və Bolqarıstanın [Şengen zonası ilə] quru sərhədlərində nəzarətin ləğvini təsdiqləyib”, ? sənəddə qeyd edilir.
Qeyd edək ki, 2024-cü ilin martında Bolqarıstan və Rumıniya hava və su nəqliyyatında pasport nəzarətini ləğv edərək Şengenə qismən daxil olub.
