Xudatda avtomobil körpüdən aşdı - Dörd yaralı var

Buz bağlamış yolda daha bir qəza Xaçmazın Xudat şəhərində qeydə alınıb.

Bizim.Media-nın yerli bürosu xəbər verir ki, Gəndab-Yalama yolunun Xudat şəhərindən keçən hissəsində avtomobil körpüdən aşıb.

Hadisə zamanı 4 nəfər yaralanıb. Xəsarət alanlar Xaçmaz rayon mərkəzi xəstəxanasına çatdırılıb.

Qəzanın səbəbləri araşdırılır.

Aytəkin Alxaslı, Bizim.Media, Şimal bürosu