Bu gün futbol üzrə İngiltərə çempionatında (Premyer Liqa) 2024/2025-ci illər mövsümünün 16-cı turuna start verilib.
Arena.az xəbər verir ki, ilk oyun günündə beş qarşılaşma baş tutub.
Lider “Liverpul” doğma meydanda “Fulhem”lə qarşılaşıb. Dörd qolun qeydə alındığı oyunda qalib müəyyənləşməyib. Liderin əsas izləyicilərindən olan “Arsenal” da “Everton”la ev oyunundan xal itkisi ilə ayrılıb.
“Nyukasl” evdə “Lester Siti”yə 4 cavabsız qolla qalib gəlibsə, “Nottingem Forest” də “Aston Villa”nı məğlub yola salıb. “Vulverhempton” – “İpsviç Taun” matçı isə qonaqların qələbəsiylə yekunlaşıb.
16-cı turun qalan görüşləri dekabrın 15-də və 16-da keçiriləcək.
İngiltərə, Premyer Liqa
16-cı tur
14 dekabr
Arsenal – Everton 0:0
Liverpul – Fulhem 2:2
Qollar: Qakpo, 47. D.Jota, 86 – A.Pereyra, 11. R.Munis, 76.
Nyukasl – Lester Siti 4:0
Qollar: Mörfi, 30; 60. B.Gimarayns, 47. A.İsak, 50.
Vulverhempton – İpsviç Taun 1:2
Qollar: Kunya – Doherti, 15-öz qapısına. C.Teylor, 90+4.
Nottingem Forest – Aston Villa 2:1
Qollar: Milenkoviç, 87. Elanqa, 90+3 – Duran, 63.
15 dekabr
18:00. Brayton – Kristal Pelas
20:30. Mançester Siti – Mançester Yunayted
23:00. Çelsi – Brentford
23:00. Sauthempton – Tottenhem
16 dekabr
00:00. Bornmut – Vest Hem
