Dəyərlərini və adət-ənənələrini tərk edən Gürcüstanın heç bir təşkilata qoşulmasının mənası yoxdur. Bu barədə Gürcüstanın seçilmiş prezidenti Mixail Kavelaşvili “İmedi” telekanalına müsahibəsində bildirib.
“Əgər bizim dəyərlərimiz və xarakterimiz, mədəniyyətimiz, dilimiz, inancımız, vətəni müdafiəmiz olmasaydı, hansısa təşkilata qoşulmağın nə mənası olardı? Biz olduğu kimi Avropa Birliyinə üzv olmaq istəyirik, inteqrasiyadan imtina etmirik”, o qeyd edib. Eyni zamanda, onun sözlərinə görə, Gürcüstan hakimiyyəti istənilən məsələ ilə bağlı müzakirələrə açıqdır.
Dekabrın 14-də Gürcüstan parlamentində prezident seçkiləri keçirilib. Bu, dövlət başçısının ilk dolayı seçkiləri idi. Parlament deputatlarından seçicilər kollegiyası, Acarıstan və Abxaziya Ali Şuralarının üzvləri, habelə bələdiyyə orqanlarının deputatları səsvermədə iştirak edirdilər. Hakim "Gürcü Arzusu - Demokratik Gürcüstan" partiyasının irəli sürdüyü yeganə namizəd Mixail Kavelaşvili 300 seçici səsindən 224 səs toplayıb və Gürcüstanın altıncı prezidenti seçilib. Yeni prezidentin andiçmə mərasimi dekabrın 29-da baş tutacaq.
Oxuməni.az
